२५ मंसिर, महोत्तरी । नेपालले दक्षिण एसियाली सहयोग संगठन (सार्क) को अवरुद्ध शिखर सम्मेलनलाई सकेसम्म छिटो आयोजना गर्नका लागि गरिरहेको पहललाई पाकिस्तानव्दारा स्वागत गरिएको छ ।
नेपाली राजदूत तापस अधिकारीसँगको भेटमा पाकिस्तानका विदेश सचिव सोहेल मोहमदले यस्तो धारणा राखेका हुन् । भेटमा नेपाल र पाकिस्तानको बीचमा रहेको बहुआयामिक सम्बन्धको बारेमा छलफल भएको मन्त्रालयले जनाएको छ ।
सार्क प्रक्रियालाई अगाडि बढाउन सार्कको अध्यक्ष मुलुकको हैसियतमा खेलेको भूमिकाप्रति विदेश सचिवले प्रशंसा गर्नुभएको पाकिस्तानको विदेश मन्त्रालयले उल्लेख गरेको छ ।
सन् २०१४ अघि सार्कको कुनै पनि शिखर सम्मेलन हुन नपाएको हुदा सन् २०१६ मा पाकिस्तानको राजधानी इस्लामवादमा राख्ने तय भएको थियो । तर सार्कको १९ औं सम्मेलनको अन्तिम समयमा आएर स्थगित भएको थियो ।
अहिले भने सार्कको अध्यक्षता नेपालले गरिरहेको छ । जसमा आयोजक सम्मेलनको रुपमा मुलुक पाकिस्तान रहेको हो । नेपालले सकेसम्म चाँडो सार्क सम्मेलन गर्नका लागि अन्य सदस्य मुलुकहरुसँग अनुरोध गरिरहेको छ तर अझैँसम्म सहमति जुट्न सकेको छैन ।
आफ्नो प्रतिक्रिया दिनुहोस् !