ढल्केवर (धनुषा)
पूर्व उघोग, बाणिज्य तथा आपुर्तिमन्त्री मातृकाप्रसाद यादवलले धनुषाको मिथिला नगरपालिका वडा नं. ४ पुष्पवलपुरमा Easy Shop पसलको उदघाटन गरेका छन् ।
शुक्रबार एक कार्यक्रमको आयोजना गरि मिथिला नगरपालिकामा पहिलो पटक सञ्चालन भएकोे Easy Shop पसलको उपशाखा पसलको पूर्वमन्त्री कार्यक्रमका प्रमुख अथिति यादवले उदघाटन गरेका हुन् ।
उद्घाटन पश्चात पसल सञ्चालकलाई बधाई दिँदै पूर्वमन्त्री यादवले नयाँ तथा आधुनिक ढंङ्गबाट खेती गर्न किसानलाई सुझाव दिएका छन् । थोरै लगानी र कम मेहनतबाट धेरै प्रतिफल प्राप्त गर्न सकिने हुँदा किसानले नयाँ–नयाँ प्रविधिको प्रयोग गरि आधुनिक खेतितर्फ जोड दिनुपर्ने कुरामा उनले जोड दिए ।
मिनपाको पुष्पवलपुरमा पहिलो पटक स्थानीय विजय महतोले सञ्चालनमा ल्याएको सो पसलमा घरमा प्रयोग हुने समान सुपथ मुल्यमा उपलब्ध हुने बताइएको छ ।
मिथिला नगरपालिका वडा नं. ४ का वडा अध्यक्ष बिष्णु खदालको अध्यक्षतामा भएको पसल उद्घाटन कार्यक्रममा नेकपाका केन्द्रिय सदस्य सुधीर साह, नेकपाका नेता सोमप्रसाद शर्मा, रामकुमार महतोलगायत स्थानीयबासीको उपस्थिति थियो ।
आफ्नो प्रतिक्रिया दिनुहोस् !