गर्भावस्थामा यौन सम्बन्ध राख्नु कति सुरक्षित ?

दाम्पत्य जीवनको अनिवार्य हिस्सा हो, यौन । के भनिन्छ भने सुखद् यौन–जीवनले दाम्पत्य सम्बन्धलाई थप प्रगाढ बनाउँछ । अक्सर दम्पतीबीचको मनमुटाव, झै–झगडादेखि सम्बन्ध विच्छेदको कारणमध्ये उनीहरुको खराब यौन–जीवन पनि हो । यसर्थ, दम्पतीबीच हुने यौन सुखमय र आनन्दित हुन जरुरी छ ।

यद्यपि दम्पतीबीच हुने यौन सम्बन्धको पनि आफ्नै सीमा र सर्तहरु छन् । जस्तो कि, यौन क्रियाका लागि दुबैको उत्सुकता र सहभागिता आवश्यक हुन्छ ।

यौन सम्बन्धका लागि सबै समय अनुकुल हुँदैन । कतिपय क्षणमा महिलाहरु विभिन्न शारीरिक अवस्थाबाट गुज्रिरहेका हुन्छन् । त्यस्तो बेला यौन सम्पर्क गर्दा उनीहरुलाई पीडा हुनसक्छ ।

यस्तै एउटा चरण हो, गर्भावस्था । गर्भ रहिसकेपछि महिलाको शारीरिक अवस्था परिवर्तन हुन्छ, साथै मानसिक पनि । यस्तो अवस्थामा यौन क्रिया जारी राख्न हुन्छ वा हुँदैन ? गर्भावस्थामा गरिने यौन सम्पर्क कति सुरक्षित हुन्छ ?

किनभने गर्भावस्थामा महिलाले धेरै कुरामा ध्यान दिनुपर्ने हुन्छ । कामधन्दा, खानपान, स्वास्थ्यस्थिती सबैमा । यसबेला महिला मानसिक र शारीरिक रुपले स्वस्थ, तन्दुरुस्त, खुसी र सुखी हुन जरुरी हुन्छ । त्यसो भए के यस क्रममा उनीहरुले यौन सम्बन्ध बनाउन चाहिँ हुँदैन ?

विज्ञहरुका अनुसार गर्भावस्थामा यौन सम्बन्ध राख्न सकिन्छ । यद्यपि गर्भको चरण वा संवेदनशिलतालाई हेरेर कतिपय अवस्थामा भने यौन सम्पर्क राख्नु उचित हुँदैन । गर्भ रहेको पहिलो तीन महिना यसमा परहेज गर्नका लागि सुझाव दिइन्छ । किनभने यसबेला उनीहरुलाई संक्रमणको बढी जोखिम हुन्छ ।– onlinekhabar बाट साभार

Leave a comment

Your email address will not be published.